IRATI ANDA 2007 ESPAINIAKO TXAPELDUNA

Euskal Herrian eskalatzaile oso trebeak ditugu, bai mutiletan, bai nesketan. Nesketan, Irati Anda 2007KO ESPAINIAKO TXAPELDUNA dugu. Berataz gehiago jakin nahi baldin baduzu sartu zaitez bere webgunean:

www.iratianda.com

eskaladari buruzko ALDIZKARIAK

Zoritzarrez ez ditut eskaladari buruzko euskarazko aldizkaririk aurkitu, baina erderazko pare bat aldizkari aurkitu ditut oso interesgarriak direnak: Desnivel eta Escalar izenekoak. Hauekin gozatu nahi baduzu hurrengo helbidean dituzu salgai

http://desnivel.com/revistas/

bestela zuen herriko liburudendetan edo kioskoetan suposatzen dut aurkituko dituzuela

DIMA ROCKMASTER 07

Dima Rockmaster 07

Ekainak 8-9

2005ean sortu zenetik, munduko espezialista hoberenak biltzen dituen gertakari honen helburua kirol eskaladaren zabalkundea izan da, Dima eta bere Baltzolako koba, kirol eskaladan jarduteko munduko leku garrantzitsuenetakoa da, bertan trebatu izan direlarik Euskal Herriko aditu honenak.

Dima Rockmaster 2007ko edizioa, kirol eskaladaren nazioarteko txapelketa, ekainaren 8an eta 9an burutuko da Bizkaiko herri honetan.

Aurreko edizioen antzera, espezialitate honetako munduko gizon eta emakume inportanteenak parte hartuko dute, eta aurtengo edizioak berrikuntza garrantzitsuak izango ditu hiru leihaketa eta erakustaldi batean.

Baltzolako probaEliteko kirolariek bi froga egin beharko diote aurre, bat harkaitzean eta bestea rokodromoan. Harkaitz eskalada saioa Baltzolako koban ospatuko da ostiralean, ekainaren 8an.Mutilek, 8c/c+ zailtasuneko bidea bistaz gauzatu beharko duten bitartean, neskek, 8bko horma gainditu beharko dute. Partaideren batek zailtasuna gaindituz gero, mutilen kasuan, munduko marka berria ezarriko liteke eta nesken kasuan, errekorra berdinduko litzateke.

Gizonezkoek burutu beharreko bidea, ‘Nuska’, Mikel Maeso ‘Piwi’-k ekipatu du eta nesken bidea aldiz, Standa izenekoa, Iñaki Marcok prestatu du.Prestatzaileak proposatutako zailtasun gradua baieztatzeko, Josune Bereziartu, Iker Pou eta Dani Andrada eskalatzaileak aurretiaz frogatuko dituzte.RockmasterLarunbata gauean, ekainaren 9an, Dimako plazan jarritako rokodromoan zailtasuneko eskalada burutuko da. 2005ean erabilitako instalazio bera da. Ion Gurutz Lazkoz eta Ander Gardeazabal nazioarteko ekipatzaileak ekipatutako bideetatik munduko eskalatzaile hoberenak paregabeko kirol ikuskizuna eskainiko dute.

Partaidetza:

Mutilak:

Tomas Mrazek: Txekiarra, egungo munduko txapelduna zailtasuneko eskaladanPatxi Usobiaga: Euskalduna, Munduko Kopako egungo txapelduna.Alex Chabot: Hainbatetan munduko txapelduna eta Munduko Kopako garailea ere. ‘Dima Rockmaster 05’eko txapelduna.Klemen Becan: Eslobeniarra. Munduko bostgarrena eta gazte mailako munduko txapelduna.Christian Bindhammer: Alemaniarra. Gaur egungo Alemaniako txapelduna.Hauei seigarren eskalatzaile bat gehituko zaie.

Neskak:

Angela Eiter: Austriarra. Munduko Kopako txapelduna eta munduko txapelduna ere. ‘Dima Rockmaster 05’eko garailea.Muriel Sarkany: Frantziarra. 2003an munduko txapelduna. Munduko Kopako hamaika neurketako garailea.Emily Harrington: Estatu Batuarra. Egungo munduko txapeldun ordea. 2006ko ‘Master Serre Chevalier’eko garailea.Maja Vidmar: Eslobeniarra. Munduko Kopako azken saioaren garailea eta Europako Junior mailako txapelduna.Irati Anda: Euskalduna. Estatu mailako txapelduna.

Hauei seigarren eskalatzaile bat gehituko zaie.Herri mailako openaRockmasterra jokatuko den rokodromo berdinean ospatuko da, ekainaren 9an, larunbata, egunez. Nahi duen eskalatzaile orok izena eman dezake.Dry-tooling ikustaldia estatuko aditu nagusiek kirol ikusgarri honen erakustaldia egingo dute.

Rockmaster edizio berri honen berrikuntza hau ekainaren 8an, gauean izango da. Jonathan Larrañaga, Carlos Logroño, Manu Cordova, Israel Blanco, Jordi Tosas eta Carlos Garcia izango dira partehartzaileak. Hauek guztiak dry-toolingean, izotz eskaladan eta beste kirol modalitate batzuetan mundu mailako curriculuma dute.

9a+ BIA BAT ESKALATZEN

Pasa den astean eskalada bien zailtasunari buruz zehozer gehiago ikasi genuen. Aste honetan, 9a+, hau da gaur egun eskalatu lortu den biarik zailenetariko baten bideo ikusgarri bat duzue ikusgai. Hain zuzen Espainian kokatuta dagoen La Rambla eskalada guneko bideoa. Gozatu ezazue.

eskalada BIEN ZAILTASUNA

Bien zailtasuna
Aspaldidanik darabilgu buruan eskaladan bien zailtasuna neurtzeko erabiltzen diren izen eta zenbakien inguruan azalpen txiki bat emateko. Gure inguruko jendeak sarri entzuten gaitu “… biak V+ mailakoa da eta beste hori 6a…” eta horrelakoak. Batek baino gehiagok esango du honek txotxolotuta daude, zer dira hainbeste zenbaki, letra eta + horiek?
Zenbaki, letra eta + ez osotutako hitz hauek, bien zailtasuna neurtzeko eta adierazteko erabiltzen dira. Zaitasuna 5 faktore garrantzitsuren mendean dago:

§ Heldulekuaren forma eta tamainan
§ Heldulekuen arteko distantzian
§ Paretaren inklinazioan
§ Mugimendu kopuruan
§ Atseden lekuak


Puntu hauek kontuan hartuta eskalada bat osatzen da:

I Eskuen erabilpen urria eskatzen duen mendiko pausua

II Eskuak erabiltzea derrigorrezkoa da igotzeko eta soka erabili daiteke.

III Eskalatzen hasi beharra dago.

IV Eskalada erresa helduleku oso onekin.

V Zailtasunak hasten direneko puntua.

V+ Inoiz eskalatu gabeko pertsonen limitea da hau. Gradu honetan pareta bertikaletan eskalatzen hasten da.

6a Nahiko zaia. Presa txikiak.

6a+ Gero eta zailago.

6b Gero eta zailago.

6b+ Gero eta zailago.

6c Zaia. Mugimendu teknikoak, erresistentzia eta indarra eskatzen ditu.

6c+ Gero eta zailago.

7a Oso zaila. Presa guztiak oso txikiak dira. Postura oso behartuak.

7a+ Gero eta zailago.

7b Gero eta zailago.

7b+ Gero eta zailago.

7c Oso oso zaila. Esfortzu psikikoa beharrezkoa da.

7c+ Gero eta zailago.

8a Muturreko zailtasuneko eskalada. Oso maila fisiko zein psikiko handia eskatzen du.

8a+ Gero eta zailago.

8b Gero eta zailago.

8b+ Gero eta zailago.

8c Gero eta zailago.

8c+ Gero eta zailago.

9a Oso muturreko eskalada.

9a+ Gaur arte eskalatzea lortu den zailtasunik handiena. Hiru lekutan aurkitu daitezke honelako biak: The Realization (Frantzia),Flex Luther (USA) eta La Rambla (Españan). 2001ean lortu zuen lehenengo aldiz Chris Sharman zailtasun honetako bia bat irekitzea.

eskalada ESKOLAK

Aupa lagunok eskaladan berriak bazarete eskalada eskola ezberdinetara apuntatu zaitezkete. Hona hemen internet aurkitu dezakezuen estatu mailako eskalada eskolen bilatzailea, berton Euskal Herriko eskalada eskola garrantzitsuenak aurkituko dituzu.

BILATZAILEA

AUSARTA edo ZOROA

eskalatzeko erabiltzen dugun MATERIALA

Eskalatzeko, ezinbestekotzat, gure beso eta hankak ditugu, hala ere igonaldia seguruago eta erosoago izateko material ezberdinak erabil ditzazkegu. Hurrengo webgunean aurkituko dituzu material hauek: http://www.gipuztik.net/soinweb/eskalada/kaskoa.htm hemen begiratu "erabiltzen dan materiala" eta listo.

PATXI USOBIAGA MUNDUKO TXAPELDUNA

Euskal gizarteak eskalatzaile onak eta ausartak ditu, izan ere, gure artean munduko eskalada kopako txapelduna dugu, Patxi Usobiaga eibartarra. Honi esker, Patxi Usobiaga, 2006ko euskal kirolaririk onena hautatu dute.

www.patxiusobiaga.com

eskalada MOTAK

Kirol honen barruan mota desberdin asko daude. Orokorrean hitz eginda beraien arteko desberdintasunik handiena praktikatzeko lekua da.

Eskalada klasikoa

Eskalada klasiko edo askearen helburua bidea ahalik eta finkatze puntu artifizial gutxien erabilita egitea da. Hormak ekipatu gabe egoten dira, eta normalean luzeak izaten dira. Gutxi gorabehera, 30 metrotik 30 metrora aseguratzen dira luzeak. Denbora dezente behar duten igoerak izan ohi dira eta jaitsiera rappelatzen egiten da.

Kirol eskalada
Duela hogei bat urte sortu zen modalitate hau da, egun, gehien praktikatzen dena. 10-30 metro bitarteko horma ertainetan egiten da eta, hormak zailtasun maila desberdinekoak izan daitekeenez, hasiberriek ere praktika dezakete. Hormak ekipatuta egon ohi dira, eta behetik ere aseguratzen da. Hortaz, bi lagun behar dira eskalada mota honetarako, eta hau da, hain zuzen, eskalada eskoletan nagusiki praktikatzen dena.

Eskalada artifiziala

Horma artifizialean egiten den kirol eskalada da. Material gutxi eskatzen du eta nahiko segurua da. Harkaitzerako entrenamendu gisara erabili ohi da, baina berezko konpetizioak ere baditu. Horma artifizialeko txapelketak hiru motatakoak izan daitezke: zailtasun proba, abiadura proba eta boulderinga.

Boulderinga

Modalitate hau atletikoa eta oso segurua da. Horma txikietan praktikatzen da, artifizialetan zein naturaletan. Berezko txapelketak baditu, baina entrenamendu modura ere praktikatzen da.

Big wall

Izenak dioen bezala, horma handietan praktikatzen da. Maiz, egunak behar dituzte eskalatzaileek hormaren goiko aldera ailegatzeko, eta hormatik zintzilik igarotzen dituzte gauak ere. Teknika handia eta material berezia behar dira eskalada mota honetarako

Izotz eskalada

Izotzak estalitako hormetan praktikatzen den eskalada mota da, pioletaren eta kranpoien laguntzaz. Zati izoztuak eta izotzik gabeak tartekatzen direnean, eskalada mistoa esan ohi zaio.

AURKEZPENA

Aupa, Iskander naiz eta egin berri dudan hurrengo blogean eskaladari buruzko zenbait berri, kuriositate, eskalada praktikatzeko zenbait leku... topako dituzu.